Bigarren Hezkuntzako Programa

Zertan datza?

Lankidetza Programak honako hau du helburu: Derrigorrezko Bigarren Hezkuntzako eta Lanbide Heziketako ikasleek, beren borondatez, beren eskola-orduetan eta ohiko irakasleekin, Hizkuntza Eskola Ofizialetako ikasketa espezializatuak egin ahal izatea ikasle ofizial gisa, eta horiei dagozkien ziurtagiriak lortzea indarrean dauden curriculum-egokitzapenei jarraituz.

BORONDATEZKO PARTE-HARTZEA

Nafarroako Derrigorrezko Bigarren Hezkuntzako eta Lanbide Heziketako ikastetxe publiko nahiz kontzertatutako ikasle guztiek parte hartu ahal izanen dute programan.

KOORDINAZIOA

Bigarren Hezkuntzako eta NUHEOko irakasleek koordinatuta lan egiten dute ikasturte osoan zehar, programazioaren helburu eta eduki guztien jarraipena egiteko eta ikasleak ebaluazio-irizpideekin trebatzeko.

CURRICULUM-EGOKITZAPENAK

2023-24 ikasturtean Nafarroako Urrutiko Hizkuntza Eskola Ofizialaren antolamendua eta funtzionamendua erregulatzen dituzten arauetan jasotzen denez (239/2023 Ebazpena, ekainaren 15ekoa, BON 156a uztailako 28ekoa), ikaslea honako baliokidetasun-sistema honen arabera matrikulatu ahal izanen da:

Egokitzapen Orokorrak

NUHEOko INGELESA

BIGARREN HEZKUNTZA IKASKETAK

Tartekoa (B1)

DBHko 3 eta 4. maila / BATXILERGOA / LH ERDI-MAILA ETA GOI-MAILA

Tartekoa (B2)

DBHko 4. maila / BATXILERGOA / LH ERDI-MAILA ETA GOI-MAILA

Programa Elebidunen Egokitzapenak

NUHEOko INGELESA

“MEC-British Council”,British Ikastetxeak eta Sekzio Elebidunak

BATXILERGOA

Egokitzapen Aurreratuak

Bere hizkuntza-biografiarengatik (dagokion hizkuntza-ikaskuntza berezia) ikasle batek maila altuagoko ziurtagiri bat lor dezakeela erakusten badu, ingelesezko B2 eta C1 mailen ziurtagiriak eskuratzeko aukera izanen du DBHko 4. mailatik aurrera.

Egokitzapen Aurreratuak eskatzeko formularioa

Ingeles Departamentuari jakinarazi eta gero, Egokitzapen Aurreratuak lor ditzakeen ikasleak dagokion mailako matrikula egin beharko du. NUHEOk modu pertsonalizatuan artatuko ditu matrikulatutako ikasle horiek.

Horrez gain, honako arau hauek ere ezartzen dira:

“Ez gai” kalifikazioa lortzen duen ikasleak maila hori bera behin bakarrik egin ahal izanen du hurrengo ikasturtean, baldin eta NUHEOko ikastetxe laguntzaile batean badago.
Derrigorrezkoak ez diren etapetan ikastetxe laguntzaile batean lehen aldiz hasten diren ikasleak NUHEOrekiko lankidetza-programan sartu ahal izanen dira ikastetxe horrek baimenduta daukan mailan.
Baimendutako ikastetxe bateko ikasleak programa horretan matrikulatuta egon badira eta atzerrian ikasturte bat egin behar badute, NUHEOn matrikulatu ahal izanen dira modu orokorrean ezarritako betekizunen arabera.

Nola hartu parte

Programa horretan, Bigarren Hezkuntzako eta Lanbide Heziketako edozein ikastetxek har dezake parte.

Beren borondatez parte hartu nahi duten ikastetxeek Hezkuntza Departamentuan hala jakinarazi behar dute, urriaren 18ko 583/1995 Foru Aginduak ezartzen duenaren arabera (1995eko azaroaren 8ko NAO). Eskaera ikastetxeko atzerriko hizkuntzako edo euskara eta/edo euskal kulturako departamentuen eskariz aurkeztu behar da eta Eskola-kontseiluaren oniritzia behar du.

Hezkuntza Departamentuak Urrutiko Hizkuntza Eskola Ofizialaren beraren eta Ikuskaritza Teknikoa eta Zerbitzuak Zerbitzuaren txostenak hartu behar ditu aintzat.

Deskargatu NUHEOren programarekin lankidetzan aritzeko eskaera

Ikastetxe-zerrenda

Ikastetxe laguntzaileak, INGELESA 2022/23

C.Con. Alsasua Seminario
C.Con. Bar. Sta. Luisa Marillac
C.Con. Bur. Amor – Regina
C.Con. Pam. Calasanz
C.Con. Pam. Cardenal Larraona
C.Con. Pam. Hijas de Jesús
C.Con. Pam. Salesianos Sec.
C.Con. Pam. Sta. Cata. – Sant. Sacr.
C.Con. Pam. Sta. Teresa Jesús
C.Con. Tud. Anunciata
C.Con. Sarrig. Sta. María la Real
C.Con. Vill. Present – Notre Dame
CI. Pri. Pam. Evangelista
CIP Con. Pam. Salesianos
CIP Elizondo LE IIP
CI Pam. S. Juan-Donibane
CIP Pam. Donapea IIP
CIP Tafalla IIP
CIP Virgen del Camino
EA Pamplona
EASDi Corella
ESTNA
IES Altsasu S. Miguel I BHI
IES Barañáin
IES Bar. Alaiz BHI
IES Bera Toki-Ona BHI
IES Burlada Ibaialde
IES Burlada Askatasuna BHI
IES Corella Alhama
IES Estella Tierra Estella BHI
IES Leiza Amazabal BHI
IES Lekaroz-Elizondo BHI
IES Lodosa Pablo Sarasate
IES Marcilla Marqués de Villena
IES Pam. Basoko
IES Pam. Biurdana BHI

IES Pam. Eunate BHI
IES Pam. Iturrama BHI
IES Pam. Julio Caro Baroja
IES Pam. Mendillorri BHI
IES Pam. Navarro Villoslada
IES Pam. Plaza Cruz
IES Pam. Padre Moret Irubide
IES Peralta Ribera Arga
IES San Adrián Ega
IES Sangüesa Sierra de Leyre
IES Sarriguren BHI
IES Tafalla Sancho III el Mayor
IES Tud. Benjamín
IES Tud. Valle Ebro
IESNAPA Félix Urabayen
IESO Aoiz
IESO Azagra Reyno de Navarra
IESO Berriozar
IESO Carcastillo Valle de Aragón
IESO Castejón
IESO Cintruénigo La Paz
IESO Cortes Bardenas Reales
IESO Doneztebe Mendaur
IESO Garralda
IESO Larraintzar
IESO Mendavia Joaquín Romera
IESO Ochagavia
IESO Pam. Iñaki Ochoa de Olza
IESO Ribaforada El Cierzo
IESO Roncal
IESO Viana Del Camino
IESO Vill. P. Atarrabia
Ik Altsasu Sakana
Ik Estella Lizarra
IK Etxarri-Ar. Sakana
Ik Fontellas Argia
Ik Tafalla Garcés Fayos
Ik Vill. Paz de Ziganda

Matrikulatzea

ESKAKIZUNAK

Egokitzapen Orokorrak

Behar bezala baimendutako Bigarren Hezkuntzako edo Lanbide Heziketako ikastetxe batean ikasten aritzea.
Beste Hizkuntza Eskola Ofizial batean hizkuntza berean matrikulatuta ez egotea.
Ikasleak indarrean dauden egokitzapenen arabera matrikulatu ahal izanen dira (Ikusi Egokitzapen Orokorrak “Zertan datza?” atalean).

Programa Elebidunen Egokitzapenak

British Ikastetxeetako eta Sekzio Elebidunetako “MEC /British Council Proiektua” (Espainiera-Ingelesa Programa Elebiduna) duen Ikastetxe baimendu batean Bigarren Hezkuntzako edo Lanbide Heziketako ikasketak egitea.
Beste Hizkuntza Eskola Ofizial batean hizkuntza berean matrikulatuta ez egotea.
Ikasleak indarrean dauden egokitzapenen arabera matrikulatu ahal izanen dira (Ikusi Programa Elebidunen Egokitzapenak “Zertan datza?“ atalean).

Egokitzapen Aurreratuak

Behar bezala baimendutako Bigarren Hezkuntzako edo Lanbide Heziketako ikastetxe batean ikasten aritzea.
Beste Hizkuntza Eskola Ofizial batean hizkuntza berean matrikulatuta ez egotea.
Hizkuntza Biografiaren bidez, Egokitzapen Aurreratuetan sartzea eskatu izana.
NUHEOko Ingeles Departamentuak eskariari oniritzia eman izana.

MATRIKULATZEKO EPEA

2023ko urriaren 2etik azaroaren 3era

PROZEDURA

Matrikula on-line eginen da hizkuntza guztietan eta maila guztietan. Ikasleek edo haien familiek matrikula modu horretan egiteko baliabiderik ez badute, gure bulegoetara etorri ahal izanen dira matrikula egitera gure langileen laguntzaz.

Egin beharreko pausoak:

1- Ikastetxeko irakasleek indarrean dauden egokitzapenak egiaztatuko dituzte eta ikasleei galdetuko diete beren gelan matrikulatzeko interesa duten. Irakasleak EDUCAko orrialdean markatuko ditu programan parte hartu nahi duten ikasleak eta NUHEOk aurretik prestatutako azalpen-dokumentu bat emanen die on-line matrikulatzeko eman beharreko pausoei buruz.
2- Interesatuta dagoen ikaslea ikastetxeko irakasleak emandako dokumentuan ageri diren jarraibideei segituz matrikulatuko da. NUHEOko webgunera sartuko da (MATRIKULAK atalean); eskatutako informazioa emango du, egiaztatze-dokumentazioa erantsi eta tasak ordaintzeko modua aukeratu (gure webgunean, horri buruzko informazio xehea ematen dugu / MATRIKULAK):

a. Kutxazain automatikoan edo banketxean, ordainketa-gutun pertsonalizatua inprimatu eta gero.

b. Interneten bidez.

c. Mugikorraren bidez, aplikazioa deskargatu eta gero.

3- Ikasleak aukeratu duen bidearen arabera ordainduko ditu dagozkion matrikula-tasak.

Oso garrantzitsua

MATRIKULA INDARREAN SARTUKO DA ESKATUTAKO DOKUMENTAZIOA ERANTSI ETA ORDAINKETA EGIN ETA GERO.

TARIFAK

Zerbitzu orokorrak: 10,18 euro.
Lehenengo aldiz izena ematea: 23,99 euro.
Matrikula lehenbiziko hizkuntzan: 60,48 euro.
Matrikula bigarren hizkuntzan: 42,33 euro.
Matrikula hirugarren hizkuntzan: 30,24 euro.

Familia ugariak babesteko azaroaren 18ko 40/2003 Legeak eta maiatzaren 18ko 6/2005 Foru Legeak xedatutakoaren arabera, honako hauek aplikatuko zaizkie Foru Agindu horretan ezarritako prezio publikoei:

a) Kategoria berezitzat jotako familia ugarietako kideentzat %100eko salbuespena.

b) Kategoria orokorreko familia ugarietako kideentzat %50eko deskontua.

c) Kategoria berezitzat jotako familia gurasobakarrak edo gurasobakartasun egoeran daudenak kideentzat %100eko salbuespena.

d) Kategoria orokorreko familia gurasobakarrak edo gurasobakartasun egoeran daudenak kideentzat %50eko deskontua.

e) Ekintza terroristen biktimentzat, beren ezkontideentzat eta seme-alabentzat %100eko salbuespena derrigorrezkoak ez diren ikasketetan.

f) Genero-indarkeriaren biktimentzat eta beren seme-alabentzat %100eko salbuespena derrigorrezkoak ez diren ikasketetan.

g) %65eko edo maila handiagoko desgaitasun onartua duten lagunentzat %100eko salbuespena.

h) %33ko edo maila handiagoko desgaitasun onartua duten lagunentzat %50eko deskontua.

MATRIKULEN TASAK ETA ZIURTAGIRIAK BUELTATZEA

HONAKO KASU HAUETAN bueltatuko da dirua:

Ikastetxeari egotz dakizkiokeen arrazoiengatik zerbitzua ematen ez bada.
Bi aldiz kobratu bada edo behar baino kopuru handiagoa kobratu bada
Tasa osoak ordaintzen badira eta deskonturako eskubidea bazegoen (lehenagoko ikaslea, familia ugaria…), eta urte horretako otsailaren 15a baino lehen egiaztatzeko eskatutako dokumentazioa aurkezten bada.
Lan- edo familia-arrazoiengatik ikasleak herriz aldatu behar badu.
Indarrean dagoen araudia ez betetzeagatik akatsik badago matrikularen ikasturte edo mailari dagokionez.
Tituluen eskaera betetzean akatsik egotea.

HONAKO KASU HAUETAN EZ da bueltatuko dirua:

Ikasleari egotz dakizkiokeen arrazoiengatik zerbitzua ematen ez bada.
Matrikulari uko egiteagatik.
Beste Hizkuntza Eskola Ofizial batean hizkuntza berean matrikulatzeagatik.
Urte horretako otsailaren 15a baino lehen matrikulan izan zitezkeen akatsak zuzentzeko eskatutako dokumentazio guztia ez aurkezteagatik.